დღეს, 2 სექტემბერს, ხულოში, სოფელ წაბლანაში საცხოვრებელი სახლი დაიწვა.
შემთხვევა დილით მოხდა. სამსულიანი ოჯახის ხის სახლი დამხმარე ნაგებობებთან ერთად სრულად დაიწვა. „ბათუმელების“ ინფორმაციით, ხანძრის შედეგად არავინ დაშავებულა.
ხანძარი წაბლანაში. ბეგლარ შაინიძის ფოტო
ხულოს მერიაში გვითხრეს, რომ ხანძრის შესახებ მერია ინფორმირებულია.
„ბათუმელები“ ჯამბულატ მელაძეს ესაუბრა, ხულოს მერიის ჯანმრთელობის, სოციალური დაცვისა და სტიქიით დაზარალებულთა აღრიცხვა-შესწავლის სამსახურის ხელმძღვანელს. მან გვითხრა, რომ ოჯახს მერია ქირით გაიყვანს უსაფრთხო ადგილას და დაიწყებს დოკუმენტების შესწავლას, კრიტერიუმების დაკმაყოფილების შემთხვევაში კი მერია ოჯახს უშუამდგომლებს აჭარის მთავრობის სარეზერვო ფონდიდან კომპენსაციის მისაღებად.
2021 წლამდე საცხოვრებელი სახლის მთლიანად დაწვის შემთხვევაში დაზარალებული სახელმწიფოსგან კომპენსაციას 15 ათას ლარს იღებდა. 2022 წლიდან თანხა გაიზარდა და 20 ათასი ლარი გახდა.
____________
ფოტოზე: ხანძარი წაბლანაში. ბეგლარ შაინიძის ფოტო
ამავე თემაზე:
https://batumelebi.netgazeti.ge/news/441336/
