თურქული მედიის ცნობით, თურქეთმა 2023 წლის პირველ ექვს თვეში 5 823 665 აშშ დოლარის ღირებულების ხამსა [ქაფშია] გაიტანა ექსპორტზე, რაც 7 პროცენტით მეტია წინა წლის ანალოგიურ პერიოდთან შედარებით.
თურქეთს ქაფშია 23 ქვეყანაში გააქვს, მთავარი იმპორტიორები ამ პერიოდში იყვნენ: საფრანგეთი, ბელგია და შეერთებული შტატები.
თურქეთში ხამსა შედის საქართველოდანაც.
საქართველოში, შავ ზღვაში, თევზჭერის ლიცენზიას 5 ქართული კომპანია ფლობს. ლიცენზიები 2016-2019 წლებშია გაცემული. აქედან ერთი კომპანიის ლიცენზიის ვადა 2026 წელს იწურება, დანარჩენი 4 კომპანიის ლიცენზიების მოქმედების ვადა კი, 2036 წლამდეა.
ქართველი ლიცენზიატები ძირითადად თურქული კომპანიების გემებს ქირაობენ და ისე საქმიანობენ.
ამავე თემაზე:
თევზჭერის ბიზნესს ბიუჯეტიდან მილიონებს აძლევენ, ისინი კი „ოცნებას“ სწირავენ ფულს
