დღეს, 25 ივლისს, უკრაინის შეიარაღებული ძალების გენერალური შტაბის წარმომადგენელმა ანდრეი კოვალევმა ბრიფინგზე განაცხადა, რომ უკრაინულმა ჯარებმა წარმატებას მიაღწიეს სამხრეთ ფრონტზე სტარომაიორსკის მიმართულებით და, ასევე, უტევენ ბახმუტთან.
„სტარომაიორსკის მიმართულებით უკრაინულმა ძალებმა წარმატებას მიაღწიეს და ხაზებზე მაგრდებიან. მტერი აგრძელებს ძლიერ წინააღმდეგობას, გადაჰყავს ნაწილები და იყენებს რეზერვებს“ – თქვა მან.
მისივე თქმით, უკრაინული ჯარები ახორციელებენ შეტევით ოპერაციებს ქალაქ ბახმუტის ჩრდილოეთით და სამხრეთით: „თავდაცვის ძალების მიერ შეტევითი და თავდასხმის ოპერაციების ჩატარებისას მტერი იძულებული გახდა, დაეტოვებინა პოზიციები ანდრეევკას რაიონში“.
ამავე დროს, რუსები ჰქონდათ თავდასხმის წარუმატებელი მცდელობა ორეხოვო-ვასილიევკას ჩრდილო-დასავლეთით, ივანოვსკის სამხრეთით და კლეშჩეევკას დასავლეთით.
