საქართველოს რკინიგზის ცნობით, სადგურ მარელისში ჩამოწოლილმა მეწყერმა, რაც უხვ ნალექს მოჰყვა, მნიშვნელოვნად დააზიანა საკონტაქო ქსელი და ლიანდაგები. ამის შესახებ საქართველოს რკინიგზა დღეს, პირველ ივლისს, ფეისბუქზე წერს.
რკინიგზის ცნობით, ბრიგადები მუშაობენ მოძრაობის აღდგენაზე, თუმცა მოძრაობის აღდგენის ზუსტი დრო უცნობია, ამასთან უსაფრთხოების უზრუნველყოფის მიზნებიდან გამომდინარე, მოძრაობის აღდგენის მოუხედავად, მიზანშეწონილი არა არის მგზავრთა გადაადგილება აღნიშნულ მონაკვეთზე.
შესაბამისად, სტიქიის გამო, რეისს ვერ შეასრულებენ და დანიშნულების ადგილზე ვერ ჩავლენ შემდეგი მიმართულებით მოძრავი მატარებლები:
- თბილისი-ბათუმი(#804)
- თბილისი-ფოთი (#874)
- ბათუმი-თბილისი (#801)
- ბათუმი-თბილისი (#807)
- ზუგდიდი-თბილისი (#869)
- ბათუმი-ერევანი (#201)
კომპანიის გადაწყვეტილებით, ზემოთჩამოთვლილი მიმართულებით მოძრავი მატარებლები პირველივე ახლო მდებარე სადგურებში გაჩერდებიან, რათა მგზავრებმა სურვილისამებრ შეძლონ მატარებლებიდან ჩამოსვლა. საქართველოს რკინიგზა ყველა რეისის საწყის სადგურზე დაბრუნებას უზრუნველყოფს. სურვილისამებრ მგზავრებს შეეძლებათ მატარებლებით საწყის სადგურებში დაბრუნება.
რკინიზგა მგზავრებს სრულად აუნაზღაურებს მგზავრობის საფასურს.
„კიდევ ერთხელ შეგახსენებთ, რომ ბოლო დღეებში მატარებლების შეყოვნებები გამოწვეულია დასავლეთში არსებული უამინდობისა და უხვი ნალექის გამო“ – წერს საქართველოს რკინიგზა.
