უკრაინის თავდაცვის ძალებმა მიაღწიეს პროგრესს ქვეყნის სამხრეთით და აღმოსავლეთით, ბერდიანსკის მიმართულებით წინსვლაა 1300 მეტრით, კლიშივკას მიმართულებით – 1200 მეტრით, ხოლო კურდიუმივკას მიმართულებით – 1500 მეტრით – ამის შესახებ უკრაინის თავდაცვის მინისტრის მოადგილე, ანა მალიარი წერს ტელეგრამზე.
„ჩვენი თავდაცვის ძალების შეტევითი ოპერაცია გრძელდება მელიტოპოლის, ბერდიანსკისა და ბახმუტის მიმართულებით.
ჩვენები „გლეჯენ“ მტერს მიწის ყოველ მეტრს მძიმე ბრძოლაში. წარმატებულად.
ამავდროულად, მტერი აგრძელებს შეტევას ლიმანსკის, ავდეევკისა და მარინსკის მიმართულებით. წარუმატებლად.
მტერს ვანადგურებთ ზაპოროჟიესა და მელიტოპოლის მიმართულებით“ – წერს ანა მალიარი.
იგი ასევე აღნიშნავს, რომ ბახმუტის მიმართულებით ისევ გრძელდება სასტიკი ბრძოლები.
ამავე თემაზე:
უკრაინა ამბობს, რომ რუსეთს წაართვა სტრატეგიული ინიციატივა – რა ხდება ბახმუტის ფრონტზე
