2023 წლის 1-ელი ივლისიდან სოციალურად დაუცველი ბავშვებისთვის განკუთვნილი დახმარება 50 ლარით იზრდება და თვეში 200 ლარს შეადგენს.
საქართველოს მთავრობამ გადაწყვეტილება ამის შესახებ გასულ, 2022 წელს მიიღო.
ამჟამად სოციალურად დაუცველი ბავშვების დახმარება თვეში 150 ლარს შეადგენს.
ჯანდაცვის სამინისტროს ცნობით, აღნიშნული ფულადი დანამატის მიმღები არის 16 წლამდე სოციალურად დაუცველი ბავშვი, რომლის ოჯახის სარეიტინგო ქულა არ აღემატება 120 000 ქულას.
პროგრამის ბიუჯეტი 465 მილიონი ლარია. გაზრდილ დახმარებას დაახლოებით 232 000 ბავშვი მიიღებს.
