დღეს, 9 ივნისს, რუსეთში, ვორონეჟის ოლქის გუბერნატორმა ალექსანდრე გუსევმა განაცხადა, რომ ვორონეჟში უპილოტო საფრენი აპარატი ჩამოვარდა და საცხოვრებელ სახლს დაეცა.
რუსული მედიის ცნობით, შეჯახების შედეგად 3 ადამიანი დაშავდა, თუმცა მათი ჰოსპიტალიზება საჭირო არ გამხდარა.
რუსული გამოცემა „ტასი“ წყაროებზე დაყრდნობით წერს, რომ სამიზნე იყო საავიაციო ქარხანა, მაგრამ სიგნალი დაახშეს და დრონი საცხოვრებელ სახლს შეეჯახა.
ვორონეჟში აფეთქებას გამოეხმაურა კრემლიც. პუტინის პრესმდივანმა, დიმიტრი პესკოვმა მომხდარში უკრაინა დაადანაშაულა და განაცხადა, რომ „კიევის რეჟიმი აგრძელებს თავდასხმებს სამოქალაქო ინფრასტრუქტურასა და საცხოვრებელ შენობებზე“.
ამავე თემაზე:
უკრაინას რუსეთში აგენტების ქსელი აქვს და მათ დრონებს აწვდის – CNN
