ბათუმი,მთავარი,მთიანი აჭარა,სიახლეები

კონკურსი აჭარაში პარტნიორი საჯარო სკოლების შესარჩევად

06.06.2023 • 1069
კონკურსი აჭარაში პარტნიორი საჯარო სკოლების შესარჩევად

„თავისუფალ ჟურნალისტთა სახლი“ ამერიკული ფონდის „ეროვნული წვლილი დემოკრატიისთვის“ (NED) მიერ დაფინანსებული  პროექტის „დემოკრატიული ღირებულებების გაძლიერება სამოქალაქო ქსელის მეშვეობით აჭარაში“ ფარგლებში, აცხადებს კონკურსს აჭარის რეგიონში  დამატებით 10 პარტნიორი საჯარო სკოლის შესარჩევად.

სკოლები შეირჩევა აჭარის ხუთ მუნიციპალიტეტში: ხულოში, შუახევში, ქედაში, ხელვაჩაურსა და ქობულეთში.  თითოეული მუნიციპალიტეტიდან 2 საჯარო სკოლა.

შერჩეული სკოლის  ბაზაზე შეიქმნება  ან/და  გაძლიერდება  მოქმედი  სამოქალაქო კლუბი, რომლის წევრი მოსწავლეები და პედაგოგები ერთი წლის  განმავლობაში ორგანიზაციიდან მიიღებენ სხვადასხვა ფინანსურ მხარდაჭერას თავიანთი იდეების განსახორციელებლად.

კლუბის წევრებს ასევე ჩაუტარდებათ 3-თვიანი ონლაინსწავლება სხვადასხვა თემასა და  საკითხზე, მათ შორის, ადამიანის უფლებების მნიშვნელოვან მიმართულებებსა და მედიამასალების მომზადებაზე, საზოგადოებაში ცნობადობის ამაღლებისთვის.

პროექტის  ფარგლებში დაგეგმილია:

[checklist]

  • თითოეული შერჩეული სკოლისთვის 250$-ის ღირებულების საკანცელარიო ნივთების შეძენა და საჩუქრად გადაცემა
  • სკოლის წარმომადგენლების მიერ შერჩეულ თემებზე  მოწვეული  მომხსენებლების  მონაწილეობით  საჯარო დისკუსიის ჩატარება (ბიუჯეტი 170$)
  • საინფორმაციო კამპანიის დაგეგმვა და განხორციელება (ბიუჯეტი 200$)

[/checklist]

  • დაინტერესების შემთხვევაში: 2023  წლის 30 ივნისის ჩათვლით უნდა შეავსოთ სპეციალური კითხვარი, რომლის შევსება შეუძლია სკოლის  დირექტორს ან სამოქალაქო განათლების  პედაგოგს

კითხვარის შესავსებად გადადით ამ ბმულზე

შემდეგ ეტაპზე, ინდივიდუალური გასაუბრების შედეგად, შეირჩევა 10 გამარჯვებული სკოლა.

„თავისუფალ ჟურნალისტთა სახლმა“ 2022-2023 წლის განმავლობაში უკვე გააძლიერა 10 პარტნიორი სკოლის სამოქალაქო განათლების კლუბი.

გაითვალისწინეთ, რომ მსგავს სარგებელს მომავალში 10 სხვა სკოლა მიიღებს. ანუ ამჯერად კონკურსში მონაწილეობას ვეღარ მიიღებენ ის სკოლები, რომლებიც პროექტში 2022-2023 წლებში მონაწილეობდნენ.


 

გადაბეჭდვის წესი


ასევე: