6 ივნისს, გვიან ღამით რუსეთმა უკრაინაში კახოვკის ჰესი ააფეთქა. ხერსონის ადმინისტრაციის თქმით, წყალი კრიტიკულ, მოსახლეობისთვის საშიშ დონეს 5 საათში მიაღწევს.
სანამ ხერსონის ოლქის დასახლებებიდან მოსახლეობის ევაკუაცია მიმდინარეობს, რუსული საოკუპაციო ჯარები აგრძელებენ ქალაქის დაბომბვას – ამის შესახებ უკრაინული მედია წერს შინაგან საქმეთა სამინისტროს პრესსამსახურზე დაყრდნობით.
„სანამ გადარჩენას ვცდილობთ, რუსები ხერსონის დაბომბვას აგრძელებენ… გამოცხადებულია ევაკუაცია, ხალხის გაყვანა ხდება, რუსები კი არტილერიით გვესვრიან“, – წერს სამინისტრო ტელეგრამზე.
უწყების ცნობით, თავდასხმის შედეგად ხერსონში ორმა პოლიციელი დაიჭრა ხალხის ევაკუაციის დროს.
ამჟამად პოლიცია და მაშველები პოტენციური წყალდიდობის ზონებიდან მშვიდობიანი მოსახლეობის ევაკუაციაზეა. საუბარია მდინარე დნეპრის მარჯვენა სანაპიროზე მდებარე ტერიტორიაზე, სოფლებზე: ნიკოლაევკა, ოლგოვკა, ლვოო, ტიაგინკა, პონიატოვკა, ივანოვკა, ტოკარევკა, პრიდნეპროვსკოე, სადოვოე და ნაწილობრივ ქალაქ ხერსონზე.
_____________
ფოტოზე: ხერსონი, 6 ივნისი – ქუჩებში წყალი დადგა. ფოტო: რომან მროჩკო/telegram
