4 ივნისს უკრაინულმა ძალებმა ლოკალური სახმელეთო შეტევებისას მიაღწიეს შეზღუდულ ტაქტიკურ წარმატებას დონეცკის ოლქის დასავლეთ ნაწილში და ზაპოროჟიეს რეგიონის აღმოსავლეთ ნაწილში – წერს ომის შესწავლის ამერიკული ინსტიტუტი (ISW) ყოველდღიურ ანგარიშში.
ანგარიშში აღნიშნულია, რომ 4 ივნისს გავრცელებულ გეოლოკაციის კადრებში ჩანს უკრაინული მექანიზებული ძალები, რომლებიც მიიწევენ რივნოპოლის ჩრდილო-აღმოსავლეთით.
რუსი სამხედრო ბლოგერები ირწმუნებიან, რომ უკრაინულმა ძალებმა დაარტყეს პრიუტნოეს (ველიკა ნოვოსელკას სამხრეთ-დასავლეთით 15 კმ) და მაკარევკას (ველიკა ნოვოსელკადან სამხრეთ-დასავლეთით 4 კილომეტრში) მიმართულებით და აიღეს ნოვოდარივკა (ბოლშაია ნოვოსელკადან სამხრეთ-დასავლეთით 14 კმ) და ნესკუჩნოე.
ანალიტიკოსები აღნიშნავენ იმასაც, რომ ზოგიერთი რუსი სამხედრო ბლოგერი ამტკიცებდა, რომ უკრაინის ჯარებმა გაარღვიეს რუსეთის თავდაცვის პირველი ხაზი და 3 კილომეტრით დაწინაურდნენ ამ ტერიტორიაზე, თუმცა ანალიტიკოსები აღნიშნავენ იმასაც, რომ ამის დამადასტურებელი ვიზუალური მასალა არ გავრცელებულა.
