დღეს, 18 მაისს, დიდი ბრიტანეთის თავდაცვის სამინისტროს დაზვერვა ყოველდღიურ მოკლე მიმოხილვაში წერს, რომ რუსეთის მთავრობა, სავარაუდოდ, ფაქტობრივად, უკრძალავს მაღალჩინოსნებს თანამდებობიდან გადადგომას მანამ, სანამ უკრაინაში „სპეციალური სამხედრო ოპერაცია“ მიმდინარეობს.
დაზვერვის ცნობით, ეს აკრძალვა ვრცელდება მინიმუმ რეგიონულ ლიდერებზე, ძალოვნებსა და პრეზიდენტის ადმინისტრაციის გავლენიან წევრებზე.
ბევრი თანამდებობის პირი, სავარაუდოდ, ძალიან სკეპტიკურად უყურებს ომს, ასევე, ხშირად განიცდიან სამუშაო სტრესს ომის პერიოდში. აკრძალვა, სავარაუდოდ, ნარჩუნდება მკაცრი მინიშნებებით, იმაზე, რომ გადამდგარ პირებს გამოგონილ საქმეებზე სისხლის სამართლის პასუხისმგებლობას დააკისრებენ – წერს უწყება.
ბრიტანული დაზვერვის ცნობით, რუსეთის მთავრობა ასევე ცდილობს, თავიდან აიცილოს დამარცხების ყოველგვარი წარმოდგენა და გააძლიეროს ომზე კოლექტიური პასუხისმგებლობის გრძნობა.
______________
ფოტო: EPA-EFE/MAXIM SHIPENKOV