„სოკარის“ ცნობით, დღეს, 4 მაისს, ბათუმში ბუნებრივი გაზის მიწოდება შეუწყდათ კაჭარავას, აბუსერიძისა და აღმაშენებლის ქუჩის აბონენტებს.
კომპანიის ცნობით, გაზის შეწყვეტის მიზეზი ავარიული დაზიანებაა. ამ დროისთვის გათიშულია 321 აბონენტი.
„საავარიო ჯგუფი ადგილზე მუშაობს. ბუნებრივი გაზის მიწოდება დაიწყება 4 მაისის 20:00 საათიდან და სრულად აღდგება 4 მაისის დღის ბოლომდე“ – იუწყება კომპანია.
„სოკარ ჯორჯია გაზი“ აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.
