4 მაისს, გამთენიისას, სამხრეთ რუსეთში ორ ნავთობგადამამუშავებელ ქარხანაში ერთდროულად გაჩნდა ხანძარი.
ხანძარი გაჩნდა კრასნოდარის მხარეში მდებარე ილსკის ნავთობგადამამუშავებელ და როსტოვის რეგიონში მდებარე ნოვოშახტინსკის ნავთობპროდუქტების ქარხნებში.
რუსული სააგენტო „ტასის“ ცნობით, კრასნოდარში ხანძრის გამომწვევ მიზეზად 4 დრონის თავდასხმა დაასახელეს, ასევე, დრონების თავდასხმა დაასახელა ხანძრის გამომწვევ მიზეზად როსტოვის ოლქის ხელმძღვანელმა. მისი თქმით, ქარხანას უპილოტო საფრენი აპარატი შეეჯახა.
არსებული ინფორმაციით, ხანძარს მსხვერპლი არ მოჰყოლია.
„ბიბისის“ ცნობით, ბოლო დღეებში რუსეთსა და ანექსირებულ ყირიმში გახშირდა დრონების გამოყენების შემთხვევები ნავთობგადამამუშავებელ ქარხნებზე თავდასხმისთვის.
