მთავარი,რეკლამა,სიახლეები

კომპანია „აჭარისწყალი ჯორჯია“ დედამიწის დღის კვირეულს აღნიშნავს

22.04.2023 • 4141
კომპანია „აჭარისწყალი ჯორჯია“ დედამიწის დღის კვირეულს აღნიშნავს

კომპანია „აჭარისწყალი ჯორჯია“ ყოველწლიურად დედამიწის დღის კვირეულს აღნიშნავს. კვირეულის ფარგლებში კომპანიის გარემოსდაცვითი გუნდის თანამშრომლები ახორციელებენ სხვადასხვა აქტივობას, მათ შორის, ხვდებიან „შუახევიჰესის“ არეალში მდებარე სკოლების მოსწავლეებს, რათა გაუზიარონ ინფორმაცია გარემოსდაცვით საკითხებზე.

დედამიწის დღესთან დაკავშირებით, კომპანიის მენეჯმენტის და სამეთვალყურეო საბჭოს წევრები შუახევის საჯარო სკოლას ესტუმრნენ.

„ჩვენი კომპანიის გარემოსდაცვითი გუნდი აქტიურად მუშაობს ახალგაზრდა თაობასთან, რათა გავზარდოთ ცნობიერება გარემოსდაცვით საკითხებთან მიმართებაში. „შუახევიჰესის“ ოპერირების არეალში არსებულ სკოლებში ტარდება შეხვედრები სკოლის მოსწავლეებთან და მასწავლებლებთან, სადაც არაფორმალურ გარემოში  ვესაუბრებით ბიომრავალფეროვნების მნიშვნელობასა და მისი დაცვის აუცილებლობაზე. დღეს, დედამიწის დღის კვირეულის ფარგლებში, შუახევის საჯარო სკოლის მოსწავლეებს ჩვენი გუნდი აწვდის ინფორმაციას გარემოს დაცვის მნიშვნელობაზე და ამავდროულად, მათი ჩართულობით ვახორციელებთ პრაქტიკულ აქტივობებს, რათა მომავალში გარემოზე ზრუნვა მათი ყოველდღიური ცხოვრების ნაწილად იქცეს“განაცხადა კომპანიის გარემოსთან შესაბამისობის გუნდის ხელმძღვანელმა ნინო გაგუამ.

„გარემოს დაცვა და კლიმატის ცვლილებასთან დაკავშირებული საკითხები დღითიდღე უფრო მეტად მნიშვნელოვანი ხდება საქართველოსთვის. შესაბამისად, ბიზნესსექტორი, განსაკუთრებით კი განახლებადი ენერგიების მწარმოებელი კომპანიები, დიდი ყურადღებით ეპყრობიან გარემოს დაცვის საკითხებს. ჩვენ ძალისხმევას არ  ვიშურებთ, რათა ვიყოთ პასუხისმგებლობიანი კომპანია, ავამაღლოთ ცნობიერება გარემოსდაცვით საკითხებთან მიმართებაში, მინიმუმამდე შევამციროთ გარემოზე ზემოქმედების რისკები და გადავდგათ კონკრეტული ნაბიჯები მდგრადი განვითარების კუთხით.“განაცხადა კომპანიის აღმასრულებელმა დირექტორმა რაკეშ ნაიკმა.

დედამიწის დღე 1970 წელს დაარსდა და დღეს უკვე მსოფლიოს 175 ქვეყანაში აღინიშნება. ამ ქვეყნებს საქართველო 1990 წელს შეუერთდა. ყოველწლიურად იზრდება იმ კერძო კომპანიების რიცხვი, რომლებიც დედამიწის დღეს აღნიშნავენ.

გადაბეჭდვის წესი


ასევე: