მოხარული ვართ გაცნობოთ, რომ ბრიტანული უნივერსიტეტი საქართველოში CAMCA (Central Asia, Mongolia, Caucasus, Afghanistan)-ს აკადემიური კონსორციუმის წევრი გახდა! ცენტრალური აზიის, კავკასიის, ავღანეთისა და მონღოლეთის აკადემიური ინსტიტუტებისა და საგანმანათლებლო ორგანიზაციების ასოციაცია ერთობლივად მუშაობს განათლების, მეცნიერებისა და ტექნოლოგიების სფეროში, რათა უზრუნველყოს რეგიონის განვითარება.
ბრიტანული უნივერსიტეტი, როგორც კონსორციუმის წევრი, გააგრძელებს აქტიურად მუშაობას იმისთვის, რომ დანერგოს სწავლების უახლესი პრაქტიკები და ინოვაციური მიდგომები და ხელი შეუწყოს CAMCA რეგიონის განვითარებას.
სტუდენტზე მორგებული განათლებით და ინოვაციურ სწავლებაზე ფოკუსირებით ბრიტანული უნივერსიტეტი საქართველოში ქმნის განათლების სფეროს ახალ ერას რეგიონში. ჩვენ გამოვთქვამთ მზაობას, ვიმუშაოთ კოლაბორაციულად კონსორციუმის წევრებთან ერთად, გავუზიაროთ ერთმანეთს გამოცდილება და შევქმნათ უფრო მეტად ინკლუზიური, მრავალფეროვანი და ხელმისაწვდომი განათლების ეკოსისტემა, რომელიც მსოფლიო საჭიროებებს მოერგება. ჩვენ ვამაყობთ, რომ ვართ ნაწილი იმ ინსტიტუტებისა, რომლებსაც შეაქვთ მნიშვნელოვანი წვლილი უმაღლეს განათლებასა და კვლევების განვითარებაში.
თვალი ადევნეთ სიახლეებს ჩვენი საერთო სამომავლო ინიციატივებისა და კოლაბორაციების შესახებ!
