„დასავლეთი ცდილობდა, თბილისი ე.წ. მეორე ფრონტის გახსნაში ჩაეთრია, მაგრამ ამჟამინდელი ქართველი ხელმძღვანელები ავლენენ პასუხისმგებლიან მიდგომას, მათი ხალხის ფუნდამენტური ინტერესებიდან გამომდინარე“ – განაცხადა დღეს, 14 აპრილს, უზბეკეთში ვიზიტით მყოფმა რუსეთის საგარეო საქმეთა მინისტრმა, სერგეი ლავროვმა.
ლავროვის ციტატას რუსული სამთავრობო ახალი ამბების სააგენტო „ტასი“ ავრცელებს.
ეს არ არის პირველი შემთხვევა, როცა ლავროვი საქართველოს ხელისუფლებას აქებს.
2023 წლის იანვარში ლავროვმა შეაქო საქართველოს ხელისუფლება, რომ მიუხედავად დასავლეთის მოთხოვნისა, საქართველო არ შეუერთდა რუსეთის მიმართ დაწესებულ სანქციებს და იმედი გამოთქვა, რომ მალე განახლდება საქართველოსთან პირდაპირი ავიარეისები.
„ქართული ოცნება“ ფაქტობრივად იმეორებს ლავროვის რიტორიკას, როცა აცხადებს, რომ გლობალური ომის პარტია, ცდილობს საქართველო ჩართოს რუსეთის წინააღმდეგ ომში მეორე ფრონტად.
ამერიკის შეერთებული შტატების ელჩმა საქართველოში, კელი დეგნანმა ამ საკითხის კომენტირებისას განაცხადა, რომ საქართველოს ომში ჩათრევა არავის სურს და ეს არის რუსული პროპაგანდა.
ასევე, გერმანიის ელჩმა საქართველოში, პეტერ ფიშერმა განაცხადა, რომ არ იცის, ვის გულისხმობენ „ოცნების“ ლიდერები, როცა „გლობალური ომის პარტიაზე“ საუბრობენ.
ამავე თემაზე:
