თურქული მედიის ცნობით, თურქეთში, ართვინის პროვინციაში, იუსუფელის გიგანტურ კაშხალში, წყლის დონემ 85 მეტრს მიაღწია.
ქალაქ იუსუფელში ქალაქის ბოლო მაღაზიები უკვე დაკეტეს – ქალაქი თანდათან იტბორება, წყალი მიტოვებული და დანგრეული შენობების პირველ სართულზე შევიდა. დატბორვა პროექტის შესაბამისად ხდება და მის შესახებ წინასწარ იყო ცნობილი.
თურქეთის ყველაზე დიდი და მსოფლიოში სიდიდით მეხუთე წყალსაცავი „იუსუფელი“ გასული წლის ნოემბერში გაიხსნა.
წყალსაცავის კაშხლის სიმაღლე 275 მეტრია, რაც ასსართულიანი შენობის სიმაღლეს შეესაბამება. წყლის საერთო მოცულობა 2 მილიარდ 130 მილიონ კუბურ მეტრს შეადგენს.
წყალსაცავის მშენებლობა ქალაქ ართვინიდან 70 კილომეტრის დაშორებით 2012 წლიდან მიმდინარეობს.
მედიის ცნობით, ახალი ჰესი გამოიმუშავებს 1,9 მილიარდ კვტ/სთ ენერგიას, რაც თურქეთს წლიურ შემოსავალს 5 მილიარდ ლირას მოუტანს.
კაშხალი ელექტროენერგიის გამომუშავებას 2023 წლის 29 მაისს დაიწყებს.
იუსუფელი
იუსუფელი
იუსუფელი
