ბრიტანული დაზვერვა დღეს, 27 მარტს, რუსეთ-უკრაინის ომის ყოველდღიურ, თავის მოკლე ანალიზში წერს, რომ უკანასკნელი 6 თვის განმავლობაში რუსულ ფლოტს ორჯერ დაესხნენ თავს დრონებით და უპილოტო აპარატებით.
2023 წლის 22 მარტს სევასტოპოლში, ოკუპირებულ ყირიმში, რუსეთის საზღვაო ბაზაზე იყო სულ მცირე სამი უპილოტო აპარატითა და ერთი დრონით თავდასხმის მცდელობა. ღია წყაროების ცნობით, ერთი უპილოტო აპარატი დამცავი სისტემებით გააჩერეს, დანარჩენი ორი კი – გაანადგურეს. რუსეთის თავდაცვის სამინისტრომ განაცხადა, რომ თავდასხმა მოიგერიეს და რუსული გემები არ დაზიანებულა.
„თუმცა 2022 წლის 29 ოქტომბერს დრონების თავდასხმის შედეგად დაზიანდა ნაღმმტყორცნი – ივან გოლუბეცი და ფრეგატი ადმირალ მაკაროვი“ – წერს ბრიტანეთის დაზვერვა.
მიუხედავად იმისა, რომ ბოლო თავდასხმებს, სავარაუდოდ, არ მიუყენებია ზიანი სამხედრო ობიექტებისთვის, უპილოტო აპარატები, სავარაუდოდ, კვლავ აფერხებს რუსეთის შავი ზღვის ფლოტის მოქმედებას, – ასკვნის დაზვერვა.
უკრაინული მედიის ცნობით, უპილოტო აპარატები შედიოდა სამხედრო დახმარების პაკეტში, რომელიც უკრაინას გერმანიამ გადასცა გასული წლის ბოლოს.
