ნეტგაზეთი • RU

რუსული დანაყოფები, სავარაუდოდ, ცდილობენ დაიბრუნონ კუპიანსკი – დაზვერვა

23 მარტის მოკლე ანგარიშში ბრიტანეთის დაზვერვა რუსეთ-უკრაინის ომის შესახებ წერს, რომ ჩრდილოეთ ლუგანსკის ოლქის ფრონტის ხაზის სვატოვე-კრემინას ზონაში დაძაბული ბრძოლები გრძელდება.

დაზვერვის ცნობით, რუსეთმა ნაწილობრივ დაიბრუნა კონტროლი ქალაქ კრემინას მისადგომებზე.

ანგარიშის თანახმად, ზოგიერთ ადგილას რუსეთმა წინ წაიწია რამდენიმე კილომეტრით. „რუსი მეთაურები, სავარაუდოდ, ცდილობენ გააფართოონ უსაფრთხოების ზონა დასავლეთით იმ თავდაცვის ხაზებიდან, რომლებიც მათ მოამზადეს მაღალ ადგილზე,“ – წერს დაზვერვა.

ანგარიშში ასევე აღნიშნულია, რომ რუსული დანაყოფები, სავარაუდოდ, ცდილობენ დაიბრუნონ ქალაქი კუპიანსკი, რომელიც ლოგისტიკური კვანძია.

„რუსეთის განზრახვა უკრაინის ჩრდილო-აღმოსავლეთში, სავარაუდოდ, თავდაცვითი რჩება. მეთაურები სავარაუდოდ შიშობენ, რომ ეს არის ერთ-ერთი სექტორი, სადაც უკრაინას შეუძლია სცადოს ძირითადი შეტევითი ოპერაციები“ – წერს ბრიტანული დაზვერვა.

მასალების სხვა გამოცემებში გადაბეჭდვის წესი
გაზეთი "ბათუმელები" გამოდის 2001 წლიდან.