ნეტგაზეთი • RU

ბათუმის ბულვარში მიმდინარე სამუშაოები [ფოტო]

ბათუმში ტურისტული სეზონი 28 მაისს გაიხსნა, ბულვარში კი სარეაბილიტაციო სამუშაოები ჯერ კიდევ არ დასრულებულა. აჭარის ფინანსთა და ეკონომიკის სამინისტროს ინფორმაციით, სამუშაოები დასკვნით ეტაპზეა.
ამ დროისთვის ბორდიურების მოწყობის, მწვანე საფარის დაგების, გაზონების აღდგენის და სამშენებლო ნარჩენებისგან ტერიტორიის დასუფთავების სამუშაოები მიმდინარეობს.

ბათუმში ტურისტული სეზონი 28 მაისს გაიხსნა, სარეაბილიტაციო სამუშაოები კი ჯერ კიდევ არ დასრულებულა

1 (17)

ბულვარში ფილების დაგებისა და ბორდიურების მოწყობის სამუშაოებს კომპანია „ლიტომი“ აწარმოებს. კომპანიის წარმომადგენლის, ჯანო რიჟვაძის ინფორმაციით, ძირითადი სამუშაოები პირველ ივნისს უნდა დასრულდეს:
„ამის შემდეგ დარჩება მხოლოდ ხარვეზების გამოსწორების სამუშაოები. ხარვეზები ნებისმიერ სამუშაოს ახლავს. შემდეგ უკვე მივმართავთ სამხარაულის ბიუროს ექსპერტიზისთვის, რაც არის  დამკვეთის მოთხოვნა.“

ბულვარში ფილების დაგებისა და ბორდიურების მოწყობის სამუშაოებს კომპანია „ლიტომი“ აწარმოებს.

ბულვარში ფილების დაგებისა და ბორდიურების მოწყობის სამუშაოებს კომპანია „ლიტომი“ აწარმოებს.


ბათუმის ბულვარში ჯერ ჯიდევ ძველი სკამებია განთავსებული. ბულვარის ადმინისტრაციის შესყიდვების სამსახურში ამბობენ, რომ ადმინისტრაციამ სკამების შესაცვლელად ტენდერი უკვე გამოაცხადა, გამოვლენილია გამარჯვებულიც, რომელთანაც ხელშეკრულება ოთხ დღეში გაფორმდება. ხელშეკრულების გაფორმების შემდეგ კი კომპანია ეტაპობრივად ჩაატარებს ძველი სკამების სარესტავრაციო სამუშაოებს. შესყიდვის ღირებულება 47 777 ლარია.

1 (20)

ნეტგაზეთის მასალების სხვა გამოცემებში გადაბეჭდვის წესი
ავტორი