მთავარი,რეკლამა,სიახლეები

Loialte-ს განახლებული კონცეფცია და გეგმები აჭარაში

28.02.2023 • 1688
Loialte-ს განახლებული კონცეფცია და გეგმები აჭარაში

აუდიტორული და საკონსულტაციო სერვისების აუთსორსინგი (გარე კომპანიის მხრიდან მიწოდება) სულ უფრო დიდი დოზით შემოდის ქართული ბიზნესის ყოველდღიურობაში, რადგან ერთის მხრივ სხვადასხვა ტიპის რეგულაციებთან შესაბამისობა გარდაუვალია, ხოლო მეორეს მხრივ გაზრდილი კონკურენტული გარემო სხვადასხვა გამოწვევებს აჩენს ბიზნესისთვის, რომლის გადასაწყვეტად მხოლოდ კომპანიაში დაგროვებული რესურსი და გამოცდილება საკმარისი აღარ არის.

ამასთან, კომპანიები სულ უფრო მეტად ხვდებიან, რომ აუთსორსინგი უფრო პრაქტიკული, ნაკლებ რისკიანი და ხარჯთეფექტურია, ვიდრე კომპანიის შიგნით შესაბამისი დეპარტამენტების მოწყობა ან ცალკეული თანამშრომლების დაქირავება.

აუდიტორული და საკონსულტაციო კომპანია Loialté უკვე 5 წელია ქართველ და უცხოელ მომხმარებელს ემსახურება ბიზნეს პროცესებთან დაკავშირებული მრავალფეროვანი აუთსორსინგული სერვისებით. ბრენდი სრულად ქართულია და შეიქმნა იმ მიზნით, რომ საწყის ეტაპზე საქართველოს ბაზარზე გაიმყაროს პოზიციები, ხოლო საშუალო და გრძელ ვადაში გლობალური მოთამაშე გახდეს.

Loialté ბათუმში 2019 წლიდან მუდმივმოქმედი ფილიალით არის წარმოდგენილი და უკვე საკმაოდ დიდ ბუღალტრულ, საგადასახადო და ფინანსურ პორტფელს მართავს. თუმცა, 2023 წელი კომპანიის აჭარაში ოპერირებისთვის გარდამტეხი იქნება, რაც განპირობებულია იმით, რომ Loialté მომსახურების დიაპაზონს აფართოებს და აჭარის ბიზნეს სექტორს უკვე ყველა იმ სერვისს შესთავაზებს, რასაც დედაქალაქში, კერძოდ:

  • ბუღალტრული აუთსორსინგი
  • აუდიტი და მარწმუნებელი საქმიანობა
  • საგადასახადო სერვისები (აუდიტი, კონსალტინგი, დეკლარაციების კონტროლი, დავებში მხარდაჭერა და ა.შ.)
  • Contractor – სრული იურიდიული მომსახურება ბიზნესისთვის
  • Hiro – HRM სააგენტო (ადამიანური რესურსების მართვა)
  • Erudio – საგანმანათლებლო ჰაბი
  • Altera – ციფრული ტექნოლოგიები
  • Loialté Strategy – ბიზნესის დაწყება და განვითარება

Loialté ახალ გეგმებს ახალი ფილიალით ხვდება, რომელიც ბათუმში, პუშკინის N73-ია განთავსებული და აერთიანებს როგორც სამუშაო, ისე თანამედროვე სატრენინგო და შეხვედრების სივრცეებს. ასევე, მცირე და საშუალო ბიზნესის წარმომადგენლებს კომპანია შესაძლებლობას აძლევს უფასოდ ისარგებლონ Loialté-ს ინფრასტრუქტურით ბიზნეს თუ სხვა ტიპის შეხვედრებისთვის.

Loialté სწრაფად იზრდება, რასაც განაპირობებს ერთის მხრივ ბაზრის განვითარება, ხოლო მეორეს მხრივ კომპანიის ბიზნეს მოდელი – კომპლექსური მომსახურება. უფრო კონკრეტულად – Loialté მომხმარებელს ერთ სივრცეში სთავაზობს ყველა იმ სერვისს, რომელიც მისი ბიზნესისთვის იმ კონკრეტულ მომენტში თუ სამომავლო განვითარებისთვისაა საჭირო. როგორც კომპანიაში აცხადებენ, აღნიშნული მიდგომა შესაძლებლობას აძლევთ, რომ შეინარჩუნონ მომსახურების მაღალი ხარისხი და ამავდროულად მომხმარებლებს შესთავაზონ მუდმივად ხელმისაწვდომი ფასები, ასევე მომსახურებათა პაკეტები მოარგონ ინდივიდუალი კომპანიის საჭიროებებს.

კომპანიის მმართველ პარტნიორებთან საუბრისას გავიგეთ, რომ 2023 წელს განსაკუთრებული ყურადღება დაეთმობა აჭარაში Loialté-ს საგანმანათლებლო მიმართულების – Erudio-ს განვითარებას, სადაც დაემატება არაერთი საინტერესო და აქტუალური ტრენინგი თუ სასწავლო კურსი და მომხმარებელს შესთავაზებს როგორც სტანდარტულ, ისე კონკრეტულ კომპანიაზე მორგებულ პროგრამებს.

ასევე, გაზრდილი მოთხოვნის გათვალისწინებით აჭარის ფილიალში გაძლიერდება HRM სააგენტო Hiro-ს გუნდი, რომელიც ნებისმიერი ზომის ბიზნესისთვის HR-თან დაკავშირებულ კომპლექსურ მომსახურებას უზრუნველყოფს.

სხვადასხვა აქტივობებია დაგეგმილი ასევე Loialté-ს იურიდიული მიმართულების, ქვებრენდ Contractor-ის მიმართულებით, რადგან წლევანდელი წელი ბიზნესისთვის დატვირთული იქნება სხვადასხვა რეგულაციებთან შესაბამისობაში მოსვლის თვალსაზრისით.

პრიორიტეტში რჩება ბუღალტრული, საგადასახადო და ფინანსური მიმართულების პორტფელის ზრდა და განვითარება, სადაც Loialté დღეის მდგომარეობით, მთელი საქართველოს მასშტაბით, რამდენიმე ასეულ კლიენტს ემსახურება და დაგეგმილია, რომ მთლიან პორტფელში აჭარის რეგიონის წილი მნიშვნელოვნად გაიზარდოს.

აუდიტორული და საკონსულტაციო კომპანია Loialté-ში მიმდინარე სიახლეებს პერიოდულად შემოგთავაზებთ. კომპანიის შესახებ დეტალური ინფორმაცია შეგიძლიათ მიიღოთ ოფიციალურ ვებ გვერდზე – www.loialte.com.ge ან ეწვიოთ Loialté-ს სოციალურ ქსელებს (FB, Linkedin).

გადაბეჭდვის წესი


ასევე: