ქობულეთში ზღვაში ადამიანს ეძებენ. ინფორმაცია ერთი პირის ზღვაში გაუჩინარების შესახებ „ბათუმელებს“ საგანგებო სიტუაციების მართვის სამსახურში დაუდასტურეს.
უწყების ინფორმაციით, შემთხვევა გუშინ, 22 თებერვალს მოხდა. პრესცენტრის თქმით, სამძებრო სამუშაოები ამ დრომდე გრძელდება.
საგანგებო სიტუაციების მართვის სამსახურში სხვა დეტალების შესახებ ინფორმაციის მოწოდებაზე უარს აცხადებენ.
TV25-ის ინფორმაციით კი, ზღვაში ორი გოგო ძაღლის გამოსაყვანად შევიდა. აქედან ერთმა გამოცურა ნაპირზე, მეორემ კი ვერ შეძლო გამოსვლა.
