აჭარის უმაღლესი საბჭოს ინფრომაციით, რესტორან ,,კაისას” შენობა [ყოფილი ჭადრაკის სასახლე] ოლიმპიურ კომიტეტს გადაეცა.
დღესვე, აჭარის უმაღლეს საბჭოში, საქართველოს პარლამენტის სპორტისა და ახალგაზრდულ საქმეთა კომიტეტის გასვლითი სხდომა გაიმართა. სხდომას კომიტეტის თავმჯდომარე ლერი ხაბელოვი უძღვებოდა. მას ავტონომიური რესპუბლიკის უმაღლესი საბჭოს თავმჯდომარე, დეპუტატები, ქალაქ ბათუმის მერი, მთავრობისა და სპორტული საზოგადოების წარმომადგენლები ესწრებოდნენ.
სხდომაზე დღის წესრიგით გათვალისწინებული ორი საკითხი განიხილეს [ ,,1. ფიზიკური აღზრდისა და სპორტის პრობლემები ავტონომიურ რესპუბლიკაში, 2. საქართველოს ძალისმიერი ფიტნესის ეროვნული ფედერაციის მოსმენა”.]
შენობის საქართველოს ოლიმპიური კომიტეტისათვის გადაცემის ცერემონიაში აჭარის უმაღლესი საბჭოს თავმჯდომარემ ავთანდილ ბერიძემ, ფრაქცია ,,ქართული ოცნების” თავმჯდომარემ ალექსანდრე ჩიტიშვილმა, საქართველოს პარლამენტის სპორტისა და ახალგაზრდულ საქმეთა კომიტეტის წევრებმა, ქალაქ ბათუმის მერმა გიორგი ერმაკოვმა მიიღეს მონაწილება.
ყოფილი ჭადრაკის სასახლე ოლიმპიურ კომიტეტეს გადაეცა
