18 თებერვლის მონაცემებით, რუსეთის საოკუპაციო ჯარები ძირითადად კუპიანსკის, ლიმანის, ბახმუტის, ავდეევკისა და შახტიორის მიმართულებებზე უტევენ – წერს უკრაინის შეიარაღებული ძალების გენერალურმა შტაბი ყოველდღიურ ანგარიშში.
უკრაინის გენშტაბის ცნობით, დღის განმავლობაში რუსებმა 10 სარაკეტო და 29 საჰაერო დარტყმა განახორციელეს, უკრაინულმა მხარემ კი – 69 დარტყმა მრავალჯერადი სარაკეტო სისტემებიდან.
„გასული დღის განმავლობაში უკრაინელმა მებრძოლებმა მოიგერიეს დამპყრობლების თავდასხმები ხარკოვის ოლქის გრიანიკოვკასა და სინკოვკას დასახლებებზე, სტელმახოვკას, კრასნოპოპოვკასა და კრემენნაია-ლუგანსკში.
რუსებმა ასევე შეუტიეს დასახლებებს ვიემკას, ფედოროვკას, დუბოვო-ვასილევკას, რაზდოლევკას, პარასკოვეევკას, ბერხოვკას, ბახმუტს, ივანოვსკოეს, ჩასოვ იარს, ვესელოეს, ვოდიანოიეს, მარინკას, პობედას, ნოვომიხაილოვკასა და უგლეს რეგიონის დასახლებებს“ – იუწყება გენშტაბი.
გენშტაბის ცნობით, კუპიანსკისა და ლიმანის მიმართულებით რუსულმა არმიამ დაბომბა 15-ზე მეტი დასახლება; ბახმუტის მიმართულებით – 20-ზე მეტი დასახლება, ხოლო ავდიივკასა და შახტიორსკის მიმართულებით საარტილერიო დაბომბვა დაფიქსირდა დასახლებების 20 რაიონში.
გენშტაბის ანგარიშში ასევე ვკითხულობთ, რომ უკრაინის ავიაციამ დღის განმავლობაში 5 დარტყმა განახორციელა ოკუპანტების თავმოყრის ადგილებზე და, ასევე, ერთი დარტყმა – საზენიტო-სარაკეტო სისტემის პოზიციებზე, ჩამოაგდეს 6 დრონი.
_______________
ფოტო: უკრაინის თავდაცვის სამინისტრო
