Batumelebi | ბათუმს სტამბოლის მერი ეწვია ბათუმს სტამბოლის მერი ეწვია – Batumelebi

ბათუმს სტამბოლის მერი ეწვია

ქადირ თოფბაში ბათუმის აეროპორტში

ქადირ თოფბაში ბათუმის აეროპორტში

საქართველოს დამოუკიდებლობის დღესთან დაკავშირებით, დღეს ბათუმს ქალაქ სტამბოლის მერი ქადირ თოფბაში ეწვია. აჭარის მთავრობის პრესსამსახურის ცნობით, ეს ქადირ თოფბაშის პირველი ვიზიტია საქართველოში.  მას აეროპორტში დახვდნენ აჭარის მთავრობის თავმჯდომარე არჩილ ხაბაძე, ქალაქ ბათუმის მერი გიორგი ერმაკოვი და თურქეთის რესპუბლიკის გენერალური კონსული იასინ თემიზქანი.

მთავრობის პრესსამსახურის ინფორმაციით, სტამბოლის მერი და აჭარის მთავრობის თავმჯდომარე დღეს, 17 საათზე, ბათუმის სახელმწიფო მუსიკალურ ცენტრში ქართველი და თურქი ფოტოგრაფების გამოფენას გახსნიან. გამოფენა კონცერტით დასრულდება. კონცერტს გამართავენ თურქული და ქართული ანსამბლები.

ნეტგაზეთის მასალების სხვა გამოცემებში გადაბეჭდვის წესი
ავტორი
ირმა დიმიტრაძე არის გაზეთ "ბათუმელების" რეპორტიორი 2016 წლიდან