6 თებერვალს, გამთენიისას, თურქეთის სამხრეთ-აღმოსავლეთსა და სირიაში 7.4 მაგნიტუდის სიმძლავრის მიწისძვრა მოხდა. უკანასკნელი ცნობებით [15:00 საათი, 6.02.2023] დაღუპულია სულ მცირე 900 ადამიანი.
გთავაზობთ ევროპის პრესფოტო სააგენტოს ფოტოგრაფების მიერ გადაღებულ ფოტოებს, რომლებიც თურქეთის სამხრეთში მომხდარ მიწისძვრის შედეგებს ასახავს.
დიარბაქირში მიწისძვრის შედეგად მრავალსართულიანი საცხოვრებელი სახლი ჩამოინგრა. მაშველები და ადგილობრივები ცდილობენ დაშავებულთა დახმარებას.
ფოტო: EPA-EFE/REFIK TEKIN
დიარბაქირი – სამაშველო სამსახური შენობის ნანგრევებში ეძებს გადარჩენილებს.
ფოტო: EPA-EFE/DENIZ TEKIN
დიარბაქირი – მაშველები ეძებენ მიწისძვრის შედეგად ნანგრევებში მოყოლილ ადამიანებს. ნანგრევებში მოყოლილთა ნათესავები ელიან ბოლო ცნობებს მათი ახლობლების შესახებ.
ფოტო: EPA-EFE/DENIZ TEKIN
სირია, ქალაქი ჰამა, მიწისძვრის შედეგად დანგრეულ კორპუსში სამაშველო ოპერაცია მიმდინარეობს ფოტო: EPA-EFE/SANA HANDOUT EDITORIAL
სირია, ქალაქი ჰამა, მიწისძვრის შედეგად დანგრეულ კორპუსში სამაშველო ოპერაცია მიმდინარეობს ფოტო: EPA-EFE/SANA HANDOUT EDITORIAL
თურქეთში დამანგრეველი მიწისძვრის შედეგად სერიოზული ზიანი მიადგა გაზიანთეფის ისტორიულ ციხე-სიმაგრეს, რომელიც II-IV საუკუნეებშია აშენებული. ფოტოზე: მარცხნივ გაზიანთეფის ციხესიმაგრე მიწისძვრის შემდეგ, მარჯვნივ მიწისძვრამდე
მიწისძვრის შედეგად სანლიურფაში ჯანმრთელობის ცენტრი დაინგრა
აშშ-ის გეოლოგიური სამსახურის ცნობით, მიწისძვრის ეპიცენტრი თურქეთის ქალაქ გაზიანთეფიდან 33 კმ-ის მოშორებით იყო. მიწისძვრა მსოფლიოს მასშტაბით მილიონობით ადამიანმა იგრძნო, მათ შორის, ისრაელსა და ლიბანში.
თურქეთში გამოცხადდა საგანგებო მდგომარეობა. ორივე ქვეყანა აგრძელებს სამაშველო სამუშაოებს, რასაც ართულებს ამინდი. BBC-ი წერს, რომ თურქეთის ხელისუფლება მოუწოდებს მოქალაქეებს, თავი შეიკავონ მობილური ტელეფონის გამოყენებისგან, რათა მაშველებს ხელი არ შეუშალონ კოორდინირებაში.
