2022 წელს უკრაინაში ქორწინების რიცხვი, წინა წელთან შედარებით, გაიზარდა.
რუსეთის უკრაინაზე თავდასხმის და ქვეყანაში მიმდინარე ომის მიუხედავად, 2022 წელს უკრაინაში 200 ათასზე მეტი წყვილი დაქორწინდა.
უკრაინის იუსტიციის სამინისტროს 2022 წლის დეკემბრის მონაცემებით, წლის განმავლობაში 217 800-მა წყვილმა ოფიციალურად გააფორმა ქორწინება.
ამის პარალელურად ქვეყანაში შემცირდა განქორწინების მაჩვენებელი.
უკრაინის ხელისუფლებამ საომარი მდგომარეობის დროს გაამარტივა ქორწინების პროცედურა სამხედრო მოსამსახურეებისთვის, სამართალდამცავებისა და ექიმებისთვის და მათ დაუსწრებლად დაქორწინების უფლება მისცა, ასევე, ქორწინების ოფიციალური გაფორმება შესაძლებელია ონლაინ.
__________________
ფოტო: უკრაინის იუსტიციის სამინისტრო
ვიდეო: ქორწილი საავადმყოფოს პალატაში – 23 წლის უკრაინელმა მედდამ 27 მარტს დაკარგა ორივე ფეხი და ოთხი თითი მარცხენა ხელზე. ის შეყვარებულთან ერთად სახლში ბრუნდებოდა, როცა ნაღმზე აფეთქდა. წყვილი ლვოვში, საავადმყოფოს პალატაში დაქორწინდა.
