Batumelebi | ომბუდსმენთან შეხვედრაზე თემურ ქარცივაძე ყველაზე უტაქტო საჯარო მოხელედ დაასახელეს ომბუდსმენთან შეხვედრაზე თემურ ქარცივაძე ყველაზე უტაქტო საჯარო მოხელედ დაასახელეს – Batumelebi

ომბუდსმენთან შეხვედრაზე თემურ ქარცივაძე ყველაზე უტაქტო საჯარო მოხელედ დაასახელეს

დღეს ბათუმში ჩართულობის ცენტრში სახალხო დამცველ უჩა ნანუაშვილთან შეხვედრაზე სოციალური სუბსიდიების სააგენტოს ხელმძღვანელი, თემურ ქარცივაძე ერთ-ერთ ყველაზე რთულად საურთიერთო და უტაქტო საჯარო მოხელედ დაასახელეს.

სააგენტოს უფროსისა და მისი თანამშრომლების მხრიდან არასათანადო ქცევაზე „ფსიქოსერვისების ცენტრის“ ხელმძღვანელმა შორენა დოლიძემ ისაუბრა, მას სხვა არასამთავრობო ორგანიზაციების წარმომადგენლებიც დაეთანხმნენ და აღნიშნეს, რომ თემურ ქარცივაძესთან კონტაქტი შეუძლებელია.

თემურ ქარცივაძესთან დაკავშირებით არასამთავრობო ორგანიზაციების წარმომადგენლებმა მიუსაფარი ბავშვების კონტექსტში ისაუბრეს.

სახალხო დამცველს არასამთავრობო ორგანიზაციების წარმომადგენლებმა რეგიონისთვის ყველაზე აქტუალური პრობლემების შესახებ მიაწოდეს ინფორმაცია, რაზეც, მათივე თქმით, ხელისუფლებას რეაგირება არ აქვს და, შესაბამისად, მათ მოსაგვარებლად ქმედითი ღონისძიებები არ ტარდება.

საკითხების ჩამონათვალში მოხვდა: იპოთეკარების, ე.წ. მუყაოს ქალაქის, ეკოლოგიურ საკითხებთან დაკავშირებული, საკუთრების უფლების, სარფის საბაჟოზე შექმნილი რიგებისა და სხვა პრობლემები, კულტურული მემკვიდრეობის ძეგლების დაცვასთან დაკავშირებული პრობლემები. სახალხო დამცველი არასამთავრობო სექტორის წარმომადგენლებს საკითხებით დაინტერესებასა და რეაგირების მოთხოვნას შეჰპირდა.
დღესვე სახალხო დამცველი აჭარის მთავრობის თავმჯდომარეს არჩილ ხაბაძეს შეხვდა.
13301288_1206492536050787_4230039104009236610_o

ნეტგაზეთის მასალების სხვა გამოცემებში გადაბეჭდვის წესი
ავტორი