ბათუმში ქალზე ძალადობის ბრალდებით ერთი პირი დააკავეს.
შსს-ს ინფორმაციით, შუახნის კაცი მას შემდეგ დააკავეს, რაც 1980 წელს დაბადებული ქალი გარდაცვლილი იპოვეს.
„გარდაცვლილი ქალი შიდა ქართლიდან არის. ბათუმში ნაქირავებში ცხოვრობდა. ქალს გარდაცვალებამდე რამდენიმე საათით ადრე, უთანხმოება მოუვიდა პირთან და ეს პირი არის დაკავებული 126-ე მუხლით“ – გვეუბნებიან შსს-ში.
ქალის გარდაცვალების ფაქტზე, გამოძიება სსკ-ის 115-ე მუხლით მიმდინარეობს.
შსს-ს ინფორმაციით, შემთხვევა 26 იანვარს მოხდა.
