ბათუმში, ფარნავაზ მეფის ქუჩაზე 63-ში მიუსაფარი ძაღლებისთვის და ჩიტებისთვის სახლები დადგეს.
ჩიტებს პერიოდულად საკენკსაც დაუყრიან და ძაღლების სახლის წინაც ჯამები დგას – ყველას შეეძლება აჭამოს მიუსაფარ ძაღლებს.
ძაღლებისთვის განკუთვნილი სახლი ფარნავაზ მეფის ქუჩაზე
„ბათუმის ქუჩებში ბევრი მიუსაფარი ცხოველია – ძაღლებიც, კატებიც და დასარჩენი არსად აქვთ სიცივესა და ყინვაში. თებერვლიდან აცივდება და გადავწყვიტეთ ჩიტებს და ძაღლებს ზამთარი რომ გადავატანინოთ, გავუკეთოთ სახლები.
ეს არ არის ერთადერთი ადგილი, სადაც მიუსაფარი ცხოველებისთვის სახლების ადგმას ვგეგმავთ. ვაპირებთ სხვა ქუჩებზეც დავუდგათ მიუსაფარ ცხოველებს სახლები“ – ამბობს ირენი, საბროკერო კომპანია D&D German Visions-ის მენეჯერის თანაშემწე. სახლები მიუსაფარი ძაღლებისთვის ამ გერმანული კომპანიის თანამშრომლებმა დადგეს.
ფარნავაზ მეფის ქუჩა
ირენმა გვითხრა, რომ ძაღლები ამ ადგილს, ძირითადად, ღამით აკითხავენ. თანამშრომლები გეგმავენ კამერაც დაამაგრონ და ლაივსტრიმი გაუშვან კომპანიის გვერდზე დონაციისთვის.
კომპანიაში იმედოვნებენ, რომ ჩიტების და ძაღლების ამ სახლებს საკვები არ მოაკლდებათ და სამომავლოდ ბევრი ასეთი სახლიც გაჩნდება ქალაქში მიუსაფარი ცხოველებისთვის.
ჩიტებისთვის
ამავე თემაზე:
