გაერთიანებული სამეფოს დაზვერვის 27 იანვრის ანგარიში უკრაინაში სამხედრო უპირატესობის მოპოვებაზე რუსი კომენტატორების მიერ გავრცელებულ ცნობებს მიმოიხილავს.
როგორც ანგარიშში ვკითხულობთ, ბოლო ექვსი დღის განმავლობაში, რუსი ონლაინკომენტატორები აცხადებენ, რომ რუსულმა ძალებმა უკრაინაში მიაღწიეს მნიშვნელოვან წინსვლას – გაარღვიეს უკრაინის თავდაცვა ორ რაიონში: ზაპორიჟიეს ოლქში, ორიკივის მახლობლად და 100 კმ აღმოსავლეთით – დონეცკის ოლქში, ქალაქ ვუჰლედართან.
ბრიტანული დაზვერვა აცხადებს, რომ რუსულმა შენაერთებმა, სავარაუდოდ, განახორციელეს ადგილობრივი, საცდელი თავდასხმები ორიკივისა და ვუჰლედარის მახლობლად, მაგრამ ნაკლებად სავარაუდოა, რომ რუსეთმა რეალურად მიაღწია რაიმე მნიშვნელოვან წინსვლას.
რუსი კომენტატორების მიერ გავრცელებულ ცნობებს გაერთიანებული სამეფოს დაზვერვის ექსპერტები მიზანმიმართული დეზინფორმაციად აფასებენ, რომლის მიზანიც, სავარაუდოდ, იმის მცდელობაა, რომ დაარწმუნონ მოსახლეობა, თითქოს რუსეთის ოპერაცია ინარჩუნებს წინსვლის იმპულსს.
