იტალიური წარმოშობის პანორამული [ე.წ. ეშმაკის] ბორბლისა და 6 მაისის პარკში მდებარე ატრაქციონების სათადარიგო ნაწილების შეძენაში, ბათუმის ტურისტული ობიექტების მართვის სააგენტო 70 ათას ლარს გადაიხდის.
სააგენტოში აცხადებენ, რომ მომავალი გამართული და უსაფრთხო მუშაობისთვის ატრაქციონები საჭიროებს გარკვეული ნაწილების შეცვლას: „აღნიშნული ატრაქციონები ჩამოტანილი და დამონტაჟებული იქნა იტალიიდან, კომპანია „VISA INTERNATIONAL SRL“-ის მიერ. აღნიშნული კომპანია იძლევა რეკომენდაციას და ტექნიკურ დავალებაში მიუთითებს, რომ არსებული ატრაქციონების სარემონტო სამუშაოების ჩატარება, დეტალების გამოცვლა, მიზანშეწონილია განხორციელდეს მხოლოდ მწარმოებელი ქვეყნის სათადარიგო ნაწილების გამოყენებით“.
აღნიშნულიდან გამომდინარე, სააგენტო ატრაქციონის ნაწილების იტალიაში შეძენას გეგმავს.
