ქობულეთში, რუსთაველის ქუჩაზე, საზოგადოებრივ ცენტრთან ახლოს, სროლა იყო.
პირველადი ინფორმაციით, რომელიც „ბათუმელებს“ მოაწოდეს ქობულეთიდან, იარაღიდან კონკრეტული პირის მიმართულებით ისროლეს, თუმცა წინასწარი ინფორმაციით, არავინ დაშავებულა.
„ბათუმელები“ ქობულეთის მერიასაც დაუკავშირდა, სადაც გვითხრეს, რომ სროლა ნამდვილად იყო. „თუმცა სხვა ინფორმაცია ჩვენთვის უცნობია,“- გვითხრეს მერიაში.
შსს-ს ინფორმაციით, გამოძიება სსკ-ის 236-ე მუხლით მიმდინარეობს, რაც ცეცხლსასროლი იარაღის უკანონოდ შეძენა-შენახვა-მოხმარებას გულისხმობს.
_______________________
