აჭარის სოფლებში მიწის სისტემური, ანუ უფასო რეგისტრაცია, 2023 წელს 40-ზე მეტ თემში და მათში შემავალ სოფლებში დაიწყება.
მიწის უფასო რეგისტრაცია სახელმწიფომ 2022 წელს დაიწყო და მთელი ქვეყნის მასშტაბით 2024 წელში უნდა დასრულდეს. უფასო რეგისტრაცია არ ეხება თვითმმართველ ქალაქებს, მათ შორის ბათუმს.
საჯარო რეესტრმა ადრინდელი გეგმა-გრაფიკი შეცვალა, შესაბამისად, აჭარის მუნიციპალიტეტებში მიწის უფასო რეგისტრაცია 2023 წელს უნდა დაიწყოს:
- ხულოს მუნიციპალიტეტში:
სხალთა – თებერვალში;
ღორჯომი, ფუშრუკაული – მაისში;
დიოკნისი, დეკანაშვილები, ვაშლოვანი, ხულო, დიდაჭარა – ივნისში;
რიყეთი, აგარა, თხილვანა, საციხური – ივლისში.
- შუახევის მუნიციპალიტეტში:
უჩამბა – აგვისტოში.
- ქედის მუნიციპალიტეტში:
წონიარისი – მაისში;
დაბა ქედა, მახუნცეთი, დოლოგანი, ცხმორისი, პირველი მაისი, ოქტომბერი, მერისი, ზვარე – სექტემბერში.
- ხელვაჩაურის მუნიციპალიტეტში:
თხილნარი – მაისში.
- ქობულეთის მუნიციპალიტეტში:
დაგვა – თებერვალში;
ციხისძირი – მაისში;
საჩინო – აგვისტოში;
დაბა ჩაქვი – ნოემბერში;
ჩაისუბანი, ხალა, კვირიკე, ხუცუბანი, ალამბარი, გვარა, აჭყვისთავი, ზენითი, სოფელი ქობულეთი, ქაქუთი, ლეღვა, მუხაესტატე, წყავროკა, დაბა ოჩხამური, ჭახათი, ქობულეთი – დეკემბერში
—
საჯარო რეესტრში აცხადებენ, რომ სავალდებულო არა, მაგრამ უმჯობესია მიწის მფლობელი ან მისი კანონიერი წარმომადგენელი დაესწროს აზომვის პროცესს.
მოქალაქეებს, რომლებიც ნაკვეთებს ფლობენ იმ სოფლებში, სადაც მიწის აზომვა დაწყებულია ან აწი დაიწყება, შეუძლიათ საჯარო რეესტრს დაუკავშირდნენ და მიაწოდონ ინფორმაცია ამ ბმულის საშუალებით.
აღნიშნული ბმულის საშუალებით, მოქალაქეებს შეუძლიათ მათი საკონტაქტო მონაცემები და მიწის ნაკვეთის მდებარეობის შესახებ ინფორმაცია მიაწოდონ საჯარო რეესტრს.
როგორც აღვნიშნეთ, მიწის რეგისტრაციის დაწყების თავდაპირველად დამტკიცებული გრაფიკი შეცვლილია. ამ დროისთვის არსებული გეგმა-გრაფიკის მიხედვით კი, აჭარაში 2024 წელს მიწის უფასო რეგისტრაცია დაიწყება:
- ხელვაჩაურის მუნიციპალიტეტში – ჭარნალი, შარაბიძეები, მახინჯაური, ორთაბათუმი, სარფი, აჭარისწყალი, კირნათი, მაჭახელა, ფერია [ყველგან იანვარში];
- შუახევის მუნიციპალიტეტში – შუბანი, ოლადაური, შუახევი [ივნისში]; ჭვანა, ზამლეთი, ბარათაული, წყალსაყარი [ივლისში].
საქართველოს მასშტაბით მიწის სისტემური რეგისტრაციის განახლებული გეგმა-გრაფიკი შეგიძლიათ ნახოთ ამ ბმულზე.
თვითნებურად დაკავებული მიწის დასარეგისტრირებლად გლეხმა 600 ლარი უნდა გადაიხადოს. გასულ, 2022 წელს, პირადობისა და პასპორტების დამზადების მომსახურების გაძვირებასთან ერთად, იუსტიციის სახლში მიწის სპორადული რეგისტრაციის საფასურიც 600 ლარი გახდა.
თუმცა, ამ საფასურის გადახდა მაშინაა საჭირო, თუ გლეხს არ სურს დაელოდოს სისტემურ [უფასო] რეგისტრაციას, მიწის დაკანონება ეჩქარება და თავად მიმართავს რეესტრს [სპორადული რეგისტრაციის ფარგლებში].
ამ თემაზე:
რა შემთხვევაში გადაიხდის გლეხი 600 ლარს დაკავებული მიწის რეგისტრაციაში?
