მთავარი,სიახლეები

მოქალაქეებს 1.2 მლნ ლარი ჩამოვაწერეთ საჩივრების საფუძველზე – სემეკი

05.01.2023 • 949
მოქალაქეებს 1.2 მლნ ლარი ჩამოვაწერეთ საჩივრების საფუძველზე – სემეკი

სემეკში, საქართველოს ენერგეტიკისა და წყალმომარაგების მარეგულირებელ ეროვნულ კომისიაში, 2022 წლის განმავლობაში 15 437 განცხადება/წერილი შევიდა.

სემეკის ცნობით, აქედან, კომუნალური კომპანიების წინააღმდეგ 3549 განცხადება/საჩივარი იყო, რომელთა საფუძველზეც გასული წლის განმავლობაში სემეკმა მოქალაქეებს ჯამურად 1 244 818 ლარი ჩამოაწერა.

„ელექტროენერგეტიკის სექტორში ჩამოწერილი თანხების ჯამმა 166 266 ლარი შეადგინა, ბუნებრივი გაზის სექტორში – 730 233 ლარი, წყალმომარაგების სექტორში კი – 348 319 ლარი“

სემეკი შეახსენებს ელექტროენერგეტიკის, ბუნებრივი გაზისა და წყალმომარაგების სექტორების მომხმარებლებს, თუ კომუნალური კომპანიების მხრიდან ადგილი აქვს უფლებების დარღვევას, მომართონ სემეკს ან სემეკთან არსებულ ენერგოომბუდსმენის სამსახურს. მომართვა შესაძლებელია ელექტრონული ფორმითაც“ – იუწყება სემეკი.

ასევე, სემეკის ცნობით, კომუნალურმა კომპანიებმა გასულ წელს 275 695 ლარის კომპენსაცია გასცეს.

კომპენსაციები სექტორების მიხედვით ასე ნაწილდება: ელექტროენერგეტიკა – 127 840 ლარი, ბუნებრივი გაზი – 68 195 ლარი, წყალმომარაგება – 79 660 ლარი.

გადაბეჭდვის წესი


ასევე: