„თავისუფლება მიშას“ – ბათუმში მთავრობის სახლთან აქცია მიმდინარეობს

დღეს, 4 იანვარს, ბათუმში, აჭარის მთავრობის სახლთან აქცია იმართება ექსპრეზიდენტ მიხეილ სააკაშვილის მხარდასაჭერად და მოთხოვნით – „თავისუფლება მიშას“.

აქციის ორგანიზატორი „ერთიანი ნაციონალური მოძრაობაა“.

„თავისუფლება მიშას“ – აქცია ბათუმში. 4 იანვარი, 2023 წელი

„თავისუფლება მიშას“ – აქცია ბათუმში. 4 იანვარი, 2023 წელი

„თავისუფლება მიშას“ – აქცია ბათუმში. 4 იანვარი, 2023 წელი

პარალელურად დაანონსებულია აქცია შეკვეთილში, ბიძინა ივანიშვილის რეზიდენციასთან.

დღეს, 4 იანვარს, 18 საათზე, „ერთიანმა ნაციონალურმა მოძრაობამ“ მიხეილ სააკაშვილის მხარდასაჭერი სოლიდარობის აქცია საქართველოში, 8 სხვადასხვა ადგილას დააანონსა: თბილისში – მშვიდობის ხიდზე; ქუთაისში – პარლამენტის მიმდებარე ტერიტორიაზე; ბათუმში – მთავრობის სახლთან; ზუგდიდში – ზუგდიდის იუსტიციის სახლთან და ოზურგეთში – ბიძინა ივანიშვილის სახლთან.

პატიმრობაში მყოფი მიხეილ სააკაშვილის მხარდამჭერი აქციების გამართვა დაგეგმილია მსოფლიოს რამდენიმე ქალაქშიც, საქართველოს საკონსულოებსა და საელჩოებთან.