ახალი წლის ღამეს, პირველ იანვარს, კიევსა და სხვა რეგიონებში რუსეთმა ათობით კამიკაძე დრონი გაუშვა უკრაინაში. უკრაინული მხარის განცხადებით, პირველ იანვარს, შუაღამემდე და შუაღამის შემდეგ ჩამოაგდეს 45 ირანული დრონი, აქედან 32 – კიევის ოლქში და შვიდი – მიკოლაევიში.
გამთენიისას, პირველ იანვარს, მთელი უკრაინის ტერიტორიაზე საჰაერო განგაში იყო.
კიევის პოლიციის უფროსმა, ანდრეი ნებიტოვმა ფეისბუქზე გამოაქვეყნა ჩამოგდებული დრონის ფოტო რუსულ ენაზე წარწერით – „გილოცავთ ახალ წელს“.
მისი თქმით, ეს არის ერთ-ერთი კამიკაძე დრონი, რომელიც ახალი წლის ღამეს კიევის თავზე ჩამოაგდეს.
„ეს არის „მოძმე ხალხის“ ახალი წლის ღამის მილოცვის ნაწილი! ნამდვილი ორკების სტილი“ – წერს ნებიტოვი.
