მთავარი,სიახლეები

იუსტიციის სახლი 3-6 იანვრის უქმეებზე ჩვეულ რეჟიმში იმუშავებს

30.12.2022 • 920
იუსტიციის სახლი 3-6 იანვრის უქმეებზე ჩვეულ რეჟიმში იმუშავებს

იუსტიციის სახლის ინფორმაციით, იუსტიციის სახლები 3-6 იანვრის უქმეებზე, ჩვეულ რეჟიმში იმუშავებენ.

„მომხმარებლისთვის ხელმისაწვდომი იქნება იუსტიციის სახლის ყველა სერვისი.“ – აცხადებს უწყება.

გამონაკლისს წარმოადგენს შინაგან საქმეთა სამინისტროს – სსიპ მომსახურების სააგენტოს სერვისები. „კერძოდ, 3 -6 იანვარს გასაცემი დოკუმენტები მომხმარებლისთვის 9 იანვრიდან იქნება ხელმისაწვდომი.“ – აღნიშნულია იუსტიციის სახლის მიერ გავრცელებულ ინფორმაციაში.

საქართველოს მთავრობის დადგენილებით, საქართველოს ზოგადი ადმინისტრაციული კოდექსით განსაზღვრულ ადმინისტრაციულ ორგანოებში დასაქმებულთათვის 2023 წლის 3 იანვრიდან 6 იანვრის ჩათვლით დღეები უქმე დღეებად გამოაცხადა:

მთავრობამ 3-დან 6 იანვრის ჩათვლით უქმე დღეები გამოაცხადა

გადაბეჭდვის წესი