გაერთიანებული სამეფოს დაზვერვის 27 დეკემბრის ანგარიში მიმოიხილავს ბოლო 48 საათის ბრძოლის ფოკუსს და აღნიშნავს, რომ მიუხედავად ხშირი მცირე მასშტაბის თავდასხმებისა, რომლებსაც რუსული მხარე ახორციელებს, კონტროლი ძალიან მცირე ტერიტორიებზე შეიცვალა.
ბოლო 48 საათის განმავლობაში ბრძოლები კვლავაც ფოკუსირებულია დონეცკის ოლქის ბახმუტის სექტორსა და ლუგანსკში, სვატოვესთან ახლოს. რუსეთი აგრძელებს ხშირ მცირემასშტაბიან თავდასხმებს ამ მიმართულებით, თუმცა მხოლოდ ძალიან მცირე ტერიტორიებზე შეიცვალა კონტროლი.
ბრიტანული დაზვერვის მონაცემები ასევე ეხება ჩრდილოეთით განლაგებულ რუსეთის პირველი გვარდიის სატანკო არმიას. როგორც ანგარიშშია აღნიშნული, ამ არმიის შემადგენლობაში, სავარაუდოდ, ის სამხედროებიც არიან, რომლებიც რუსეთმა ბელარუსში ბოლო წვრთნების დროს შეიყვანა.
ამჯერად, ბრიტანული დაზვერვა წერს, რომ რუსეთის პირველი გვარდიის სატანკო არმია, რომელიც ჩრდილოეთითაა განლაგებული, მანამდე წვრთნებს ატარებდა ბელარუსში. შესაბამისად, ნაკლებად სავარაუდოა, რომ მას ჰყავდეს დამხმარე შენაერთები, რომლებსაც არმიის საბრძოლო მზადყოფნაში მოყვანა სჭირდება.
ბელარუსში მიმდინარე წვრთნებს გაერთიანებული სამეფოს დაზვერვის სამსახური გასულ დღეებშიც შეეხო. როგორც უწყება წერდა, სწორედ ბელარუსში წვრთნიან რუსეთის არმიის ახალწვეულებს და ომს შემოერთებულ მსჯავრდებულებს. ბრიტანული დაზვერვის შეფასებით, მათ წვრთნაში თავად ბელარუსი სამხედრო ტრენერებიც მონაწილეობენ, რაც რუსეთის არმიაში ოფიცრების რესურსის სიმცირეზე მიანიშნებს.
