შემოსავლების სამსახურის ცნობით, ნოემბრის თვეში, საბაჟო გამშვებ პუნქტებში – „ყაზბეგი“, „ბათუმის აეროპორტი“ და „ქუთაისის აეროპორტი“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე დიდი ოდენობით თანხა გამოავლინეს.
უწყების ინფორმაციით, სხვადასხვა ქვეყნის მოქალაქეების, როგორც ფიზიკური, ასევე კუთვნილი ბარგის დეტალური დათვალიერების შედეგად აღმოჩენილი არადეკლარირებულმა თანხამ, ჯამში შეადგინა 134 000 აშშ დოლარი, 45 000 ევრო და 111 328 000 რუსული რუბლი.
უწყების ინფორმაციით, არადეკლარირებული თანხის საერთო რაოდენობამ, ეროვნული ბანკის გაცვლითი კურსის მიხედვით, 48 203 439 ლარი შეადგინა.
საქართველოს საბაჟო კოდექსის 169-ე მუხლის მე-3 ნაწილის შესაბამისად, კანონდამრღვევი მოქალაქეები, სანქციის სახით, (თანხის 10%- ის ოდენობა) ჯამში 4 820 343, 906 ლარით დაჯარიმდნენ.
