ნეტგაზეთი • RU

როდის გამოიდარებს? – გარემოს ეროვნული სააგენტოს ამინდის პროგნოზი

გარემოს ეროვნული სააგენტოს ცნობით, 5-6 დეკემბერს დასავლეთ საქართველოში ზოგან იწვიმებს, მაღალ მთაში მოთოვს, ხოლო 7-8 დეკემბერს უნალექო ამინდია მოსალოდნელი და ჰაერის ტემპერატურა დღისით დაბლობში +12, +17 გრადუსამდე მოიმატებს.

რაც შეეხება აღმოსავლეთ საქართველოს, აქ 8 დეკემბრამდე შენარჩუნებული იქნება ცივი, ღრუბლიანი, ნისლიანი და ზოგან თოვლიანი ამინდი. ჰაერის ტემპერატურა ბარში ღამით 0, -5 გრადუსი იქნება, დღისით – 0, +5 გრადუსი.

8 დეკემბერს უკვე აღმოსავლეთ საქართველოშიც გამოიდარებს და დღისით ჰაერის ტემპერატურა +8 გრადუსამდე მოიმატებს.

„თბილისში 8 დეკემბრამდე ცივი, ღრუბლიანი და ნისლიანი ამინდია მოსალოდნელი. შესაძლოა მცირე თოვლიც აღინიშნოს.

8 დეკემბერს უნალექო ამინდი იქნება. ჰაერის ტემპერატურა ღამის საათებში -1, -3 , ხოლო დღის საათებში +3, +5 გრადუსი იქნება,“ – იუწყება გარემოს ეროვნული სააგენტო.

________________

ფოტო „ბათუმელების“ არქივიდან.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.