გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 8 ნოემბრის 21 საათიდან 9 ნოემბრის 21 საათამდე აჭარაში მოსალოდნელია ცვალებადი მოღრუბლულობა, წვიმა, მთაში – თოვა.
იქროლებს ცვალებადი მიმართულების ქარი 10-15 მეტრი წამში;
ჰაერის ტემპერატურა სანაპირო და მთიან რაიონებში იქნება:
- დღისით: 13 – 18 გრადუსი
- ღამით: 5 – 10 გრადუსი სითბო
მაღალ მთაში მოსალოდნელია:
- დღისით: 7 – 12 გრადუსი
- ღამით: 0 – 5 გრადუსი
10 ნოემბერს ღამით აჭარაში ზოგან მოსალოდნელია დროგამოშვებით წვიმა, 11-12 ნოემბერს კი – უმეტესად უნალექო ამინდი.
ზღვაზე ტალღის სიმაღლე: 7-12 დმ [2-3 ბალი]. ზღვის წყლის ტემპერატურა +18 გრადუსია.
