ხულოს რამდენიმე სოფელში წუხელ გათოვდა.
„წუხელ ღამით დაიწყო თოვა, ეს პირველი თოვლია ჩემს სოფელში,“ – გვიყვება თეიმურაზ ქამადაძე, ის ხულოში, სოფელ ქვედა თხილვანაში ცხოვრობს, – „ხეხილი დაამტვრია, ხეები ჯერ კიდევ დაფოთლილი იყო და ვერ გაუძლო…“ – ამბობს ის.
მოქალაქის თქმით, თოვას შეფერხება არ გამოუწვევია, თუმცა რამდენიმე ოჯახს მის სოფელში შეშის მარაგი ჯერ კიდევ არ აქვს.
„სოფელში მოსავალი უკვე ძირითადად დაბინავებულია,“ – დასძინა თეიმურაზ ქამადაძემ.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, ბათუმსა და მთელ აჭარაში სამშაბათს, პირველ ნოემბერს, მოსალოდნელია დროგამოშვებით წვიმა, მაღალ მთაში – თოვა, მომდევნო 2 დღეს კი, 2-3 ნოემბერს, უმეტესად უნალექო ამინდი იქნება.
ხულო, სოფელი ქვედა თხილვანა, თეიმურაზ ქამადაძის ფოტო
ხულო, სოფელი ქვედა თხილვანა, თეიმურაზ ქამადაძის ფოტო
ხულო, სოფელი ქვედა თხილვანა, თეიმურაზ ქამადაძის ფოტო
