დიდი ბრიტანეთის დაზვერვის ცნობით, ოქტომბრის შუა რიცხვებში, უკრაინაში ფრონტის ხაზზე რუსეთმა რამდენიმე ათასი ახლად მობილიზებული რეზერვისტი გადაისროლა – მათი უმრავლესობა არამხოლოდ ცუდად მომზადებული, არამედ ცუდად აღჭურვილიცაა.
„ჯერ კიდევ სექტემბერში რუსი ოფიცრები შეშფოთებულნი იყვნენ, რომ ზოგიერთი მობილიზებული უკრაინაში საერთოდ იარაღის გარეშე გაგზავნეს.
ღია წყაროებით მოპოვებულ ვიზუალურ მასალებში ჩანს, რომ მობილიზებულ რეზერვისტებს დაურიგეს AKM-ები, ავტომატი, რომელიც საბჭოთა შეიარაღებაში 1959 წელს გამოჩნდა. შენახვის ცუდი პირობების გამო, სავარაუდოდ, ბევრი მათგანი უკვე საბრძოლოდ გამოუსადეგარია,“ – წერს უწყება 31 ოქტომბრის რელიზში.
დაზვერვა მიუთითებს, რომ AKM-ის ტიპის ავტომატი 7,62 მმ კალიბრის ტყვიას ისვრის, მაშინ, როდესაც რუსეთის რეგულარული არმიის დანაყოფები ძირითადად აღჭურვილი არიან АК-74М ან АК-12 ავტომატებით, რომლებშიც 5,45 მმ კალიბრის ტყვია გამოიყენება.
„რეზერვისტების ინტეგრაცია უკრაინაში მყოფ რუსეთის ძალებთან ნიშნავს, რომ რუსეთის ლოგისტიკურ სამსახურებს მოუწევთ, მოწინავე პოზიციებამდე სულ მცირე ორი სახის საბრძოლო მასალები მიიტანონ მხოლოდ მსუბუქი ცეცხლსასროლი იარაღისთვის. ეს კი კიდევ უფრო მეტად გაართულებს რუსეთის ისედაც გადატვირთულ ლ[three_fourth last=”no”]Content[/three_fourth]ოგისტიკურ სისტემას,“ – აღნიშნავს უწყება.
გაერთიანებული სამეფოს თავდაცვა უკრაინის შესახებ სადაზვერვო ცნობარს ყოველდღიურად აქვეყნებს. უწყების გუშინდელი რელიზის ყურადღების ცენტრში სამხედრო დაჯგუფება „ვაგნერი“ და ევგენი პრიგოჟინი იყო. დაზვერვის შეფასებით, „ვაგნერმა“ თავის რიგებში მებრძოლების მიღების კრიტერიუმები უკიდურესად დაწია – მძიმე სამედიცინო დიაგნოზის მქონე პატიმრების ციხეებიდან გამოყვანა მიუთითებს, რომ დაჯგუფებისთვის რაოდენობა ხარისხზე მნიშვნელოვანია.
