კომპიუტერულ სისტემაში უნებართვო შეღწევისა და ქურდობის ფაქტზე შსს-მ 4 პირი დააკავა.
„…მოქალაქეების მოტყუების გზით, მათივე მობილური ტელეფონების საშუალებით, უნებართვოდ შეაღწიეს საბანკო ანგარიშებზე, საიდანაც დიდი ოდენობით თანხა საკუთარ ანგარიშებზე გადარიცხეს. გამოძიების ამ ეტაპზე დადგენილია, რომ დაზარალებულებისთვის მიყენებულმა ზარალმა 100 000 ლარს გადააჭარბა,“ – აღნიშნულია შინაგან საქმეთა სამინისტროს მიერ დღეს, 28 ოქტომბერს, გავრცელებულ ინფორმაციაში.
ბრალდებულებს გამოძიება ფინანსური სარგებლის მიღების მიზნით კომპიუტერულ სისტემაში უნებართვო შეღწევას და დიდი ოდენობით ჩადენილ ქურდობას ედავება. ბრალის დადასტურების შემთხვევაში, მათ 6-დან 10-წლამდე ვადით დააპატიმრებენ.
გამოძიება მიმდინარეობს საქართველოს სისხლის სამართლის კოდექსის 286-ე პრიმა მუხლის მე-2 ნაწილის “ა” და “ბ” ქვეპუნქტებით, 284-ე მუხლის 1-ლი ნაწილით და 177-ე მუხლის მე-4 ნაწილის „ბ“ ქვეპუნქტით.
