მთავარი,სიახლეები

გასროლა ბათუმის ბულვარში, კაფესთან – 3 დაშავებული კლინიკაში გადაიყვანეს

19.10.2022 • 15222
გასროლა ბათუმის ბულვარში, კაფესთან – 3 დაშავებული კლინიკაში გადაიყვანეს

ბათუმის ბულვარში, კაფესთან შეიარაღებული კონფლიქტის შედეგად სამი ადამიანი დაშავდა. რუსთაველის ქუჩაზე მცხოვრები ადამიანების თქმით, მათ ცეცხლსასროლი იარაღიდან რამდენიმე გასროლის ხმა გაიგონეს.

სასწრაფო-სამედიცინო სამსახურის ინფორმაციით, 1 დაშავებული გადაიყვანეს  კლინიკაBAU-ში, 2 – „მედცენტრში“. მძიმედ დაშავებული პირი, ვისაც თავში აქვს დაზიანებები „მედცენტრშია“ მოთავსებული, ორი დაშავებულის მდგომარეობა კი, შედარებით სტაბილურია.

BAU-ს ინფორმაციით, მათთან ის პირი მიიყვანეს, ვისაც მინის ნამსხვრები მოხვდა ხელზე და მსუბუქი დაზიანებები აქვს.

„ბათუმელები“ ცდილობს „მედცენტრთან“ დაკავშირებას.

შემთხვევა სასტუმრო „მერიდიანის“ წინ მდებარე რესტორანთან, „გრილირესტორანთან“ მოხდა. ამ რესტორნის მინის ფასადის ნამსხვრები პოლიციელებმა ლენტით შემოსაზღვრეს. ადგილზე ექსპერტ-კრიმინალისტები მუშაობენ.

ფასადის ნამსხვრევები მოფენილია ტროტუარზე, ქვაფენილს ემჩნევა  სისხლის კვალი.

რესტორნის თანამშრომლებმა კომენტარი არ გააკეთეს. ამ დრომდე კომენტარს არ აკეთებენ არც შსს-ში.

გადაბეჭდვის წესი


ასევე: