ნეტგაზეთი • RU

ორშაბათიდან ბათუმში ამინდი შეიცვლება – უახლოესი დღეების პროგნოზი

გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით დღეს, კვირას, 18 სექტემბერს, აჭარაში უნალექო ამინდი, ჰაერის ტემპერატურა კი, +35 გრადუსამდე იქნება.

18 სექტემბრის საღამოს 9 საათიდან 19 სექტემბრის საღამოს 9 საათამდე კი, ბათუმსა და მთლიანად აჭარაში მოსალოდნელია ცვალებადი მოღრუბლულობა, ზოგან დროგამოშვებით ხანმოკლე წვიმა;

იქროლებს ცვალებადი მიმართულების ქარი 10-15 მეტრი წამში;

ჰაერის ტემპერატურა სანაპირო და შიდამთიან რაიონებში იქნება:

  • დღისით: 23 – 28 გრადუსი, 
  • ღამით: 15 – 20 გრადუსი სითბო

მაღალ მთაში:

  • დღისით: 17 – 22 გრადუსი,
  • ღამით: 8 – 13 გრადუსი სითბო

სინოპტიკოსების ცნობით, 20 და 21 სექტემბერს აჭარაში მოსალოდნელია ზოგან ხანმოკლე წვიმა; შესაძლოა ელვა-ჭექაც.

ზღვის წყლის ტემპერატურა +25 გრადუსია.

განახლება – გარემოს ეროვნული სააგენტოს ინფორმაციით, 18 სექტემბერს, საღამოს და ღამის საათებში ზღვის სანაპირო რაიონებში სამხრეთ-დასავლეთის მიმართულების ქარის გაძლიერებაა მოსალოდნელი:

დღეს საღამოს და ღამით ძლიერი ქარია მოსალოდნელი – ზღვაზე შტორმი

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com