ნეტგაზეთი • RU

ხულო-ზარზმის გზა გოდერძის უღელტეხილზე გადაკეტილია

დღეს, 13 სექტემბერს, ბათუმი-ახალციხის ავტომაგისტრალის 1-კილომეტრიანი მონაკვეთი გოდერძის უღელტეხილზე გადაკეტილია. გზის ეს მონაკვეთი დილის 8 საათზე გადაიკეტა და დღის 2 საათამდე იქნება ჩაკეტილი.

საქართველოს საავტომობილო გზების დეპარტამენტის ინფორმაციით, „შიდასახელმწიფოებრივი მნიშვნელობის ბათუმი(ანგისა)-ახალციხის საავტომობილო გზის კმ125-კმ126 მონაკვეთზე, ხულო-ზარზმის მე-2 ლოტის მშენებლობის ფარგლებში, მიმდინარეობს ხელოვნურად მიწის ჩამოშლის სამუშაოები, რის გამოც, ავტოტრანსპორტის უსაფრთხო გადაადგილების მიზნით, საჭიროა აღნიშნულ მონაკვეთზე ყველა სახის ავტოტრანსპორტის მოძრაობის შეზღუდვა 2022 წლის 13 სექტემბერს 08:00სთ-დან 14:00სთ-მდე“.

დეპარტამენტის ინფორმაციით, დღე-ღამის დანარჩენ პერიოდში ავტოტრანსპორტის გადაადგილება თავისუფალია.

სარეაბილიტაციო სამუშაოების გამო გზის ეს მონაკვეთი პერიოდულად იკეტება.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com