საფრანგეთის პრეზიდენტმა ემანუელ მაკრონმა, დღეს, 10 სექტემბერს twitter-ზე უკრაინაში ზაპორიჟიეს ატომურ ელექტროსადგურთან დაკავშირებით დატვიტა.
„ზაპოროჟიეს ელექტროსადგურის ირგვლივ შექმნილი ვითარება კვლავ შემაშფოთებელია. ბირთვული ობიექტების უსაფრთხოების უზრუნველსაყოფად ჩვენ ვდგავართ პრეზიდენტ ზელენსკის გვერდით და მოვუწოდებთ რუსეთს ტერიტორიიდან ძალები გაიყვანონ“ – წერს მაკრონი.
სექტემბერში ზაპოროჟიეს ატომურ სადგურში იმყოფებოდნენ აესს-ის ექსპერტები, რომლებმაც რამდენიმე საათი გაატარეს ატომურ ელექტროსადგურში, რათა სადგურისთვის მიყენებული ზიანი და უსაფრთხოების სისტემები შეეფასებინათ.
სააგენტო Reuters-ის ცნობით, ატომური ენერგიის საერთაშორისო სააგენტოს დირექტორი რაფაელ მარინო გროსი აცხადებს, რომ ოკუპირებული ზაპოროჟიეს ატომური ელექტროსადგურის „ფიზიკური მთლიანობა რამდენჯერმე დაირღვა“, რაც აღარ უნდა განმეორდეს, თუმცა მას არ დაუკონკრეტებია, რომელმა მხარემ გამოიწვია ეს.
დღეს, 10 სექტემბერს, გავრცელდა ინფორმაცია, რომ უკრაინელი ჯარისკაცები ლისიჩანსკთან იმყოფებიან. ვრცელდება ცნობები ქალაქ ლისიჩანსკის დეოკუპაციის შესახებაც.
გუშინ 9 სექტემბერს, უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის შეიარაღებულმა ძალებმა ხარკოვის ოლქში 30-ზე მეტი დასახლება აიღეს.
_______________
ფოტო: სააგენტო „ანადოლუ“
ამ თემაზე:
კიევი ზაპოროჟიეს ატომურ სადგურზე პროვოკაციას გეგმავს რომ რუსეთს დააბრალოს – რუსეთის თავდაცვა
