ამერიკელი კონგრესმენი ადამ კინზინგერი უკრაინაში ალყაში მოქცეული რუსი ჯარისკაცისა და მისი ცოლის სატელეფონო საუბრის აუდიოჩანაწერს სარკასტული კომენტარით აზიარებს.
კონგრესმენის თქმით, ეს არის „დამარცხების პირას მყოფი“ წყვილის საუბარი, რომელიც მტრული ტონით გამოირჩევა და არ წარმოადგენს გამონაკლისს – კიდევ სამი მსგავსი შინაარსის საუბარი აქვს მხოლოდ მას მოსმენილი.
„დამარცხების პირას ყოფნისას ყველა რუსი წყვილი ასე უყვირის ერთმანეთს? დაახლოებით, უკვე მეოთხე ასეთ მტრულ სატელეფონო საუბრის ჩანაწერს ვუსმენ. რუსეთო, თქვენ ყველას გჭირდებათ იესო. მაგრამ ახლო პერიოდში HIMARS-ი საკმარისი იქნება“, – წერს ადამ კინზინგერი.
Do all Russian couples yell at each other like this when in the verge of defeat? This is probably the 4th intercepted call I’ve heard with similar hostility.
Russia, y’all need Jesus. But HIMARS will suffice in the near term. https://t.co/hbrmadZBFy
— Adam Kinzinger🇺🇦🇺🇸✌️ (@AdamKinzinger) August 25, 2022
„დღეს უკრაინის დამოუკიდებლობის დღეა, კბილებს სათანადოდ აჩენენ“, – ეუბნება რუსი ჯარისკაცი ცოლს სატელეფონო საუბარში. საუბრის აუდიოჩანაწერს საიტი wartranslated.com-ი აქვეყნებს, რომელიც დამოუკიდებელი უკრაინული პროექტია და ომთან დაკავშირებულ ინფორმაციას, გავრცელებულ საუბრის ჩანაწერებსა თუ სხვა მასალებს ინგლისურ ენაზე ავრცელებს.
აუდიოჩანაწერის თანახმათ, რუსი ჯარისკაცი, რომელიც ცოლს სხვისი ტელეფონით ურეკავს ამბობს, რომ ალყაშია, სადაც უამრავი დაჭრილია და საიდან გამოსავალიც არ ჩანს.
საუბარი აგრესიულია, მაგრამ ისმის, რომ ქალი ტირის და კაცს სთხოვს სახლში დაბრუნდეს, ის კი პასუხობს, რომ „სახლი აღარ იქნება“.
საუბრის თარგმანი:
(ქალი): ალო?
(რუსი მამაკაცი): ალო?
(ქალი): *შინაარსი არ ირჩევა*
(ქალი): დიახ.
(რუსი მამაკაცი): რა **** მირეკავ? მე თვითონ გადმოგირეკავ.
(ქალი): ეს ტელეფონი რეკავს! ვინ საუბრობს?
(რუსი მამაკაცი): კიდევ ერთხელ, ჩემი ნომერი აღარ არსებობს, ჩვენ… ჰაერში აგვწიეს… ზედმიწევნით.
(ქალი):და სახლში როდის მოდიხარ?
(ეუსი მამაკაცი): რა?
(ქალი): როდის? *კავშირი იკარგება*
(რუსი მამაკაცი): რა?!
(ქალი): სახლში როდის მოდიხარ!
(რუსი მამაკაცი): ******, კავშირი არაა, ეს ****** არ მესმის შენი.
(ქალი): სახლში როდის იქნები?!
(რუსი მამაკაცი): **** იცის, ყველაფერი ჩაკეტილია, მახეში ვართ აქ … და ****! არ ვიცი… ყველაფერი გაუქმებულია. სახლი აღარ იქნება.
(ქალი): აღარ დამირეკავ?
(რუსი მამაკაცი): არავის არაფერი უთხრა, გაიგე?
(ქალი): გეუბნები დაბრუნდი სახლში!
(რუსი მამაკაცი): ჩემი ვერ გაიგონე თუ რა?
(ქალი): გავიგონე!
(რუსი მამაკაცი): რა გითხარი? სახლი გაუქმებულია. სულ ესაა. ჩვენ ********.
(ქალი): სახლი რა? ***** რა, გამოდი!
(რუსი მამაკაცი): უამრავი დაჭრილი გვყავს და წასასვლელი არსადაა. არსად! მახეში ვართ.
(ქალი): წამოდი სახლში.
(რუსი მამაკაცი): დღეს უკრაინის დამოუკიდებლობის დღეა, კბილებს სათანადოდ აჩენენ. რაც არი…
(ქალი): შენ არ გეხება, წამოდი სახლში *ტირის*
(რუსი მამაკაცი): ღმერთის ნება… სად წავიდე?! სულელი ხარ თუ რა? წასასვლელი არსადაა. არსად. ჩვენ *********** ალყაში ვართ.
(ქალი): *ტირის*
(რუსი მამაკაცი): კარგი, მოდი ყველაფერი ნორმალურად იქნება, მაგრამ ეს ტელეფონი აღარ არის. არ ვიცი სად არიან დაჭრილები, ***მ იცი ვისი ტელეფონით ვრეკავ. ვიღაც სხვისი.
(ქალი): გავიგე. სახლში წამოდი, კარგი?
(რუსი მამაკაცი): კარგი, ყველაფერი კარგად იქნება, სულ ესაა
(ქალი): კარგი.
